Dusun Semilir Wisata Anyar lan Dadi Favorit Kanggo Berswafoto

SEMARANG, KOMPAS.TV - Wisata Dusun Semilir panggonanne gampang digoleki mergo ketok soko dalan raya lan arsitekturre unik yoiku ono 7 stupa seng dadi ciri khasse dusun semilir. Mlebu ing bangunanne, sedulur kabeh disambut karo wet gede lan dadi panggonan favorit kanggo berswafoto poro pengunjung. Sakwetoro kuwi lur ing siseh kiwo tengenne ono panggonan pusat oleh-oleh seng nawakke klambi, kerajinan ugo cemilan panganan khas Indonesia. Lhaaa iki lur ...ing dusun semilir ugo ono wahana perosotan seng dhuwurre 30 meter lan dowone 150 meter seng iso macu adrenalin, wadidau … duuhh gustiii dhuwurmeennn. Nah lur sakwise kesel bengok-bengok numpak wahana perosotan, sedulur kabeh iso mlaku-mlaku seng konseppe pasar malam. Sakliyane kuwi ugo ono jembatan senggol lur … ing kene sedulur kabeh iso nemoni macem-macem jajanan tradisional. Ooo...iyo lur nek ing dusun semilir iki ojo lali ngunjungi alas tirta yo lur. Ing kene sedulur kabeh disugihi karo pemandangan seng ijo royo royo lan ugo ono kolam iwak e lur. Sedulur kabeh ugo iso berswafoto mergo neng alas tirta iki spot fotone unik - unik lur... Piyeee lur mesti kepengen to kanggo wisata ing dusun semilir, mung mbayar 15 ewu rupiah ing dino biasa lan 20 ewu rupiah pas dino Sebtu-Minggu sedulur kabeh iso nikmati panggonan wisata seng instagramable...mlaku-mlaku...foto-foto...pasang neng status...ati bungah sugih dulur...

#DusunSemilir #DestinasiWisataSemarang #KabupatenSemarang