Benih Iwak Ditebar Kanggo Kelestarian Kali

SOLO, KOMPAS.TV - Nyusuri kali nggunakke prau warga Kelurahan Sudiroprajan, Solo, Jawa Tengah, iki orak arep rekreasi opo meneh lomba adu cepet prau lur. Warga podo nebar benih iwak ing Kali Pepe. Upoyo iki dilakokke supoyo kali tetep resik lan lestari. Sakliyane kuwi ugo warga wes ngresik i kali soko sampah. Sakdurunge disebar, warga podo swadaya nyiapke kurang luweh 5000 benih iwak, yoiku ono iwak nila abang, nila ireng nganthi lele. Jenis - jenis iwak iki dipileh sakwise mikirke kekuatanne iwak kanggo mertahanke urep ing macem-macem kondisi. Rencanane program nebar benih iwak arep digelar ing Kali Pepe rutin sak ben taon, supoyo keindahan kali tetep kejogo. Opo meneh kali seng mbelah Solo iki dadi potensi wisata karo onone prau werna werni.

#TebarBenihIkan #KaliPepe #Solo